-
最近新開左個高卡車場叫Impact speed park,其中一個賣點就係佢地既車係電動車,同埋賽道比RCA果個還要大.
-
依間野位置其實都有小小遠,自己撘車的話,係Mochit BTS站撘的士去係最近,的士大約150Baht左右.司機未必知邊到,我都係Show地圖.
-
咁依個場既收費呢,就600Baht一次,每次八分鐘.當然如果你覺得600Baht一次太貴而你又唔只玩一次,咁你可以買Package.Package既話5次為返520Baht一次,
-
其實曼谷呢,計埋依個新既Total都係得兩個高卡車場.另一個就係係RCA喇.今次亦可以借依到講講RCA果個高卡車場同依個Impact speed park既分別.
-
電動車V.S油車
-
由於新開依個Impact speed park係用電動車既,所以係會靜好多,同埋個加速度都會快好多,個感覺都同行油既車幾唔同.而電動車佢既呔盤同櫈既角度同可以調較,岩晒手腳特別長/特別短既既人👋🏻👋🏻👋🏻另外由於電動車,所以會靜超級多.但係都會有人覺得有聲先係揸緊車.
-
賽道:
聽聞Impact speed park既賽道長過RCA果條,對於我黎講不是重點.舒適度先係餅仔考慮既.餅仔患有[玩高卡車屎忽損証],唔知屎忽冇肉定點,次次屎忽個骨位都會好痛.依方面,Impact勝,賽道相對較平坦,冇咁櫈,屎忽相對舒服啲.
-
天氣因素:
由於RCA係室內,落幾大雨都唔驚.相反,室外場一落雨就要等佢乾.我去果個日大約兩三點落大雨,諗住夜晚七點幾去到應該有得玩,點知去到話未乾唔玩得,一等就等左三個幾鐘,夜晚十點幾先有得玩.好彩果到有幾間餐廳如果唔係唔知點Hea🤦🏻♂️
-
安全監控:
由於Impact speed park用電子系統操作,可隨時限你速停你車,賽道上跣胎掉頭屬常見現象,依個時候佢地會減慢你既車速,八分鐘内我試過咁樣左2,3次.所以都好睇同你落場既人生唔生性😂😂😂如果唔係成日無啦啦俾佢減速都會冇隱😂😂😂
-
所以兩個場都有好同唔好既地方,自己判斷下邊樣先係自己首要考慮因素🤔🤔🤔
-
Search